بدون ما تستخدم برامج التصميم، بتقدر تأسس معي هويّتك، وتتعلم كيف تختار لها اسم، ألوان، باترن، خطوط.. إلخ!😉.

إقدامك على تصميم هويّة بدون توضيح حدودها ومعالمها، راح يولّد لك إشكالات في تنفيذها والحفاظ على صُورتها ويحدّ من ارتباط الناس وحفظهم لها، ومع الوقت ممكن تبدأ تغيّر بدرجات الألوان، أو تغيّر الخط المستخدم، وتتخبّط بين الكثير من أساليب التنفيذ، وهذا الشيء يقلل من قوتها ومن معرفة الناس لها، وبرضو يقلل من فرصة إن الناس تحفظها؛ لأنها تتغيّر بشكل مستمر، والسبب هو إن البداية ما كانت مُحددة وواضحة.

موانئ الرحلة على متن هذه السفينة، جمعت خلاصة الكثير من التجارب إللي مريت فيها بتصميم الهويات، سواء لي أو لُعملاء آخرين، واكتشفت مع الوقت طريقتي إللي تخليني أحافظ على روح الهويّة مهما اختلف المحتوى، وعشان أعطيك مثال عملي، تقدر تشيّك على حساب مربوط في الانستقرام من هنا، راح تلاحظ إنك من النظرة الأولى، عرفت ألوان الهوية، شكل الخطّ حقها، واسلوبها.. ومع كثرة البوستات وتباعدها بالتواريخ، وبرضو تنوّع مجالات مربوط، مثل حسابة الشخصي، وحساب المتجر، وبرضو حساب المنصّة، إلا إنه محافظ على هويّته بشكل واضح، وتقدر تميّز روح مربوط بسهولة، ليه؟ لأن البداية الصح، هي النقطة الفارقة، وطريقة رسم حدود الهويّة ومعرفتك لها من البداية تجعل لهويتك قوّة وثبات مهما تنوع محتواها.

طيّب كيف أعرف أبدأ صح؟

هذا إللي راح تقدمه لك الدورة بإذن الله

بتبحر فيك هذي السفينة في رحلة لـ 3 موانئ مليئة بحمولة من المعلومات القيّمة، في كل ميناء بنتناول قسم معيّن في بناء الهويّة، وراح تلقى خلال الرحلة أجوبة لكثير من التساؤلات إللي ممكن مرّت في بالك لمّا رغبت في تأسيس هويّتك، مثل:

• ودي أبدأ بمشروع معيّن بس ما أعرف كيف أختار شكله (الألوان، الخطوط، الأنماط..إلخ)؟
• كيف ووين أبحث عن اسم مميّز لمشروعي، وعلى أي أساس؟
• لمّا أجي اختار الألوان أحتار، وما أعرف وش المناسب! شلون أختار ألوان حلوة ومتناسقة مع بعض؟
• لمّا أختار ألوان معيّنة أشوفها على الشاشة حلوة ولمّا أطبعها تتغيّر تمامًا، كيف أتجنب هالفرق في هويتي؟
• كيف أحدد نمط هويّتي والـ"مود" حقها، ومن وين أستلهمه؟
  
• شلون أختار خطوط مناسبة لشكل الهويّة، وحلوة، للغة العربية والانجليزية؟

والكثير الكثير من الأسئلة إللي راح تمرّ عليك أجوبتها خلال هذي الرحلة.. 

الخبر الحلو إن هذي الدورة ما تحتوي على شرح ممتع فقط ويعطيك الزبدة! بل بدأت فيها بتأسيس هويّة معك من الصفر! هويّة جديدة تمامًا عليّ، وفي كل محور كنت أكتشف هالهويّة أكثر وأبنيها حبة حبة، أختار الاسم وأنا ما أعرف وش بتكون الألوان، وأختار الألوان وأنا ما أعرف وش الخطوط،  إلى ما بنيت هويّة كاملة لها اسم جذّاب، ألوان جميلة، أنماط مميّزة وخطوط متناسقة.

والأكثر من هذا، الدورة مليئة بمصادر مساعدة، من مواقع ومقاطع تفيدك في تأسيس هويّتك، كمواقع للإلهام، مواقع للبحث عن اسم مشروعك، مواقع لاختيار الألوان، الخطوط..إلخ.

والخبر الأخير إن بعد شرائك لهذي السفينة وركوبك فيها.. راح تقدر تتطلع على محتواها دائمًا بدون وقت محدد للإنتهاء.

وتذكّر إننا في منصّة مربوط، حريصين ما نعطيك سمكة فقط! بل نعلمك كيف تصطاد😉