أعتقد المصمم يحتاج ٣ أشياء رئيسية عشان يوصل مرحلة عالية بتصميم الجرافيك: ۱. معرفة برامج التصميم، من مهامها والايقونات إلي جواها وكيف تستخدم، وكبداية أنصحك تركز على الفوتوشوب والالستریتور، وزيادة خبرتك في هذي النقطة تتطور مع الدروس التعليمية والمقاطع الموجودة في اليوتيوب - هذي النقطة لا تشيل همها بزيادة، كثير من المصممين تصاميمهم رهيبة مع إنهم مايعرفون كل الأدوات الموجودة في البرنامج ووظائفها، يكفيك في البداية تعلم الأشياء الأساسية بالبرنامج - لأنك مع الوقت راح تزيد خبرتك فيه بشكل غير مباشر.٢. التغذية البصرية ضرورية جدًا عشان تكون مصمم صاحب ذوق عصري وجميل، وهنا يجي دور البحث والمشاهدة -حطيت في <a href="https://twitter.com/Ma2rki/status/1000187695811956738?s=20" target="_blank">تويتر</a> مصادر للإلهام - حاول ما يمر يوم بدون ما تمر عليها، والتغذية البصرية لا تنحصر فقط على إلي حطيتهم، ممكن تتابع مصممين، وتشوف لوحات الشوارع وأنت بالطريق، أو بطريقة تصميم الأشياء إلي حولك.. كلها هذي تطورك وتطور ذوقك، وتخليك بمستوى الناس المحترفين.. کثیر نشوف ناس يكتبون *خبرة 15 سنة في التصميم* بس لما نشوف تصاميمهم! تكون بطريقة جدًا قديمة، ليه؟ نقدر نقول لأنهم أهملوا هذا الجانب من الجرافيك، ممكن واحد خبرته سنوات أقل وتصاميمه رهيبة! الفكرة مو قد ايش تعرف تستخدم هذا البرنامج، وإنما كيف تصمم تصميم حلو وجذاب فيه، مشاهدة أعمال الآخرين راح تساعدك وبتفرق معك بشكل كبير .. ٣. الأفكار والإبداع، هذي النقطة اقدر أقول جزء منها موهبة.. ممكن تكون احترفت البرامج، ودايم تشوف تصاميم حولك وعصرية، بس برضو تصاميمك مو بمستوى عالي! الذوق مهم في التصميم الجرافيكي، وتوظيف ذوقك فيه مهارة، الجرافيك متجدد ويحتاج ناس مبدعة وتجي بأفكار رهيبة.. وهذي الأفكار جزء منها موهبة، في إن كيف الشخص يوظف ماشافه من تغذية بصرية في إخراج تصميم جميل.. ولكن عمومًا، دائمًا أعط نفسك فرصة في التفكير والعصف الذهني، لا تسلّم عقلك لأول فكرة تصميم تخطر ببالك.. دونها واستمر في التفكير وتطبيق الخطوة ۲، حاول تطلع بأكبر قدر من الأفكار، بعدها رشح منها الأفضل، ممكن تقدر تدمج فكرتين جميلة وتصير فكرة وحدة رهيبة! .. المغزى من هذي النقطة إن ابداعك مو دايم يطلع مع أول فكرة تجيك، يحتاج تعطي نفسك وقت عشان تطلّع أفضل ماعندك وعشان تساعد عقلك في إنه يطلع أفكار مستلهمة من التغذية البصرية إلي تسويها.. مع الوقت ممكن راح تكون فترة اختيار فكرة التصميم اسرع، ولكن مع ذلك احرص قبل اي تصميم تسويه ، إنك تبحث كثيييير في مواقع الإلهام حول الموضوع إللي راح تصمم عنه، راح يفتح عقلك ويساعدك بشكل كبير.&nbsp;*ملاحظة: أحيانًا تطلع الفكرة الرهيبة من أول شيء، جميل جدًا! مقصدي هو إنك أعطي نفسك وعقلك وقت لاستخراج الأفكار، لأن الأفكار إللي تساعدك في جعلك مصمم جرافيكي مبدع قد تأتي بعد محاولات كثيرة مو محاولة وحدة..&nbsp; وكل التوفيق لك💜

مريم التركي

أبغى أتعلم التصميم، من وين أبدأ؟

تصميم

Google Tag Manager

حوالات بنكية - Bank Transfer

تاب - Tap

#32ba9e

Header - هيدير

Footer - فوتير

منصّة مربوط لتعلّم التصميم، بــحــر من المتعة بتتمنّى تغرق فيه..

أبــحِــر بمتعة، في عالم التصميم

منصّة مــربــوط

مقالات حول: تصميم

أبغى أتعلم التصميم، من وين أبدأ؟